Penak Jamanku to?

Penak Jamanku to?

Dening : Evi Wijayanti

Sapa sing ora ngerti tulisan iki

Tulisan sing biasane dipajang

Ing bis-bis, truk, nganti gerobak bakso

Embuh sapa sing gawe tulisan iki

Penak Jamanku to?

Awale aku ora ngerti

Apa werdine tulisan iku?

Banjur aku takon marang simbah

Simbah mangsuli

Yen tulisan iku nyindhir pemerintah saiki.

Jaman biyen apa-apa gratis

Ora kaya saiki

Biyen sekolah gratis, kabutuhan pokok murah

Nanging saiki apa-apa larang

Nganti wong akeh padha ganthung dhiri

Ora kuwat nanggung uripe

Ya, Penak Jamanku nduk.

Ujare Simbah.