Piweling Saka Guru

Piweling Saka Guru

Dening : Evi Wijayanti

Urip iki sansaya kepenak

barang-barang wis cumepak

ndak ya kowe mikir, ngger?

Kepiye carane bisa ngentuke?

Apa maneh sing dadi Pejuang

Dadi pejuang kuwi ora gampang

Akeh pejuang kang pejah nalika perang

Bocah saiki bisane mung njaluk

Buk nyuwun dhuwit, Pak nyuwun dhuwit

Dikira toh, Bapak Ibune gudhang dhuwit

Sekolah ya disekolahake

Sangu ya isih disanguni

Isih kurang wae

Ngger, ngger

Jaman saiki padha nongkrong ing café lan mall

Jaman biyen bocah-bocah nyekele gaman

Ngarit sawah golek dhuwit dhewe

Wis padha ngerti ta, angele urip.

Mula ngger, sinaua kang pinter

Supaya bisa gawe seneng wong tuwa.