Prawan Tuwa

Prawan Tuwa

Dening : Evi Wijayanti

Duh Sri. .

Jaman biyen kowe dadi idola kampung

Rambut kepang loro

Klambi kebaya lan jaritan

Kuwi dadi simbolmu

Mlaku tumut dalan

Thimik-thimik luwes disawang

Karo gawa dagangan menyang pasar.

Praupan ayu lan manis

Dadi daya tarik para kakung kampung

Wis punjul saka atusan kakung nglamar

Nanging ora ana sing kepencut atine Sri

Duh Sri. .

Saiki umurmu wis tuwa

Ora ana wong kakung seneng apa maneh nglirik’

Saiki malah bingung anggone Sri golek bojo

Amarga wis ora ayu maneh

Mula to, yen wis wayahe memitran

Aja kapangan gengsi kang bisa nyengsarakake