MATERI SERAT WEDHATAMA PUPUH SINOM

 

SERAT WEDHATAMA PUPUH SINOM

Guru : Evi Wijayanti, S.Pd

 

INDIKATOR

Ø  Siswa saged ngandharaken Paugeran Pupuh Sinom

Ø  Siswa saged ngandharaken watak lan wosing Pupuh Sinom.

Ø  Siswa saged damel cakepan saking Pupuh Sinom menika.

 

SERAT WEDHATAMA

•          Serat wedhatama iki salah siji serat anggitane KGPH Mangkunegara IV

•          Serat wedhatama asale saka 2 tembung, tembung wedha sing tegese ajaran lan tama sing tegese utama

•          Serat iki isine babagan ajaran-ajaran kabecikan, budi pekerti lan akhlak

PANGERTENE SINOM

•          Sinom sawijining jinise tembang macapat kang diripta dening Kanjeng Sunan Giri Kedaton. Adhedasar tembung sinom yaiku godhong nom utawa godhong enome asem, nengenake marang teges kang sumirat yaiku donyaning wong enom sing sakakehe golek kawruh.

TEGESE TEMBANG

Tembang SINOM	Tegese Tembang
Nulada laku utama,	Tirua prilaku utama/becik
tumrape wong Tanah Jawi,	Kanggo wong Jawa
Wong Agung ing Ngeksiganda,	Wong agung saka Ngeksiganda
Panembahan Senopati,	Panembahan Senopati,
Kepati Amarsudi,	Sing tekun
Sudanen hawa lan nepsu,	Ngurangi hawa nepsu
Pinesu tapa brata,	Kanthi cara prihatin (tapa)
Tanapi ing siyang ratri,	Sarta awan lan wengi
Amamangun karenak tyasing sesame	Tansah makarya gawe ati tentrem tumrap sasama

 

Paugeran Tembang Sinom

•          Guru  Gatra                        : 9

•          Guru Wilangan                  : 8,8,8,8,7,8,7,8,12

•          Guru Lagu                                           : a,i,a,i,i,u,a,i,a

Watak

•          Sabar lan ramah

Wosing

•          Kedah nuladhani saking p. senopati kang tekun ngirangi hawa nepsu kanthi prihatin lan kedah tetep makarya.

 

EVALUASI

SINOM

Samangsane pasamuan,

Mamangun marta martani,

Sinambi ing saben mangsa

Kala-kalaning ngasepi ,

Lalana teka-teki,

Nggayuh geyonganing kayun,

Kayungyung eninging tyas,

Sanityasa Prihatin,,

Pungguh panggah cegah dhahar lawan guling.

 

1. Paugeran saka tembang sinom kasebut yaiku ….

2. Watak saka tembang kasebut yaiku …..

3. Tegesana tembang kasebut nganggo basa Indonesia lan basa Jawa ngoko!