MATERI SESORAH

 SESORAH

Dening : Evi Wijayanti, S.Pd

 

PANGERTENE SESORAH

• Sesorah utawa pidhato iku ancase ngandharake gagasan kanthi lesan ing sangarepe wong akeh, kanthi ancas utawa tujuan tinamtu. Ancase pidhato iku werna-werna, kayata menehi panglipur, menehi kawruh, apa dene ajak-ajak. Mula, kanthi nyinau sesorah, kita bisa sinau babagan ngandharake panemu utawa gagasan ing sangarepe wong akaeh kanthi maneka warna tujuan, kita uga bisa sinau kawruh tembung, unggah-ungguh, lan nggladhi rasa percaya dhiri.     

Tujuan/ancase pidhato/sesorah yaiku :

•          Kanggo maringi pangertosan/informasi marang wong liya sing ngrungokake pidhato/sesorah

•          Kanggo maringi panglipur/hiburan marang wong liya sing ngrungokake sesorah

CARA MACA SESORAH

•          Kanthi maca sakwutuhe yaiku kanthi maca apa anane sesorah kang tinulis, cara iki lumrahe ditindakake dening punggawa Negara.

•          Kanthi maca apalan yaiku nglantarake sesorah kanthi ngapalake layang sesorah kang tinulis.

•          Kanthi pandom lajer yaiku nglantarake sesorah kanthi pandom lajering kang prelu diwedharake. Lajering gagasan cukup ditulis jroning sacuwilan kertas kaya dene “kretu nama”.

•          Kanthi cara dadakan yen nglantarake sesorah kudu ggatekake pocapan (lafal), lagune, sora-alone,lan pamedhote ukarane.

Nalika nindakaken sesorah kedah nggatosaken 4W inggih menika. 

• Wicara

a.       Kedale lisan kedah cetha, upaminipun saged mbentenaken vocal (a lan o), konsonan (t lan th; d lan dh).

b.      Pocapan kedah nggatosaken swaraning aksara swara, kedah mbentenaken caranipun maos tembung lingga lan tembung andhahan.

§  Wirama

Ateges irama. Pamedhar dipuntuntut saged ngendhaleni lan ngatur irama swaranipun. Lire nalika micara kedah nggatosaken seru lirih, dhuwur endhek sarta rindhik rikatipun swara. Sedaya kaudi murih tlesih, trep, mungguh mapan jumbuh kaliyan surasaning ukara kang dipunandharaken.

• Wirasa

menika sami penghayatan. Awit saking menika pamedhar kedah saged nyurasa saben ukara kang dipunucapaken, boten namung adhedhasar apalan. Kanthi mekaten gunemanipun saged lancar lan langkung saged dipunraosaken.

• Wiraga

a.       Ngadeg jejeg boten kendho, boten dhoyong.

b.      Siaga lumrah boten kaku, boten rongeh, tatag boten gemeter

c.       Tangan ngapurancang

d.      Ngadi sarira lan ngadi busana, liripun dandan kang becik lan ngangge busana kang trep lan pantes.

e.      Ningali kang dipunajak guneman, boten ndhingkluk utawi kosok baline tansah tumenga.

 

PERANGANE SESORAH

• Salam pambuka, yaiku ngaturake salam sing sepisan. Lumrahe nggunakake tembung Assalamu’alaikumWr.Wb liyane kuei nggunaake tembung kula nuwun.
• Purwaka, yaiku atur panueun dhumateng para tamu lan ngaturae atur syukur marang Gusti kang maha Agung.
• isi, yaiku kabeh perkara kang diwedharake. Isi kudu diwedharake kanthi cetha.
• Wigati/dudutan/kesimpulane, yaiku inti saka isi kang wis diwedharake.
• Pangajeng-ajeng/pangarep-arep, yaiku pituduh-pituduh lan pangarep-arep sing diwedharake marang wong kang ngrungokake.
• Wusana, yaiku atur panuwun lan nyuwun ngapura, Manawa ana kekurangane, ana kaluputan.
• Salam panutup, yaiku ngaturake salam kanggo mungkasi sesorah. Manawa agama islam lumrahe Wassalmu’alaikum Wr.Wb. sakliyane iku matur nuwun.