MATERI TEKS DESKRIPTIF TENTANG RUMAH ADAT JAWA

Assalamualaikum wr. wb.

Halo teman-teman Duniaku Duniamu yang berbahagia, semoga Allah SWT senantiasa memberikan kesempatan kepada kita semua untuk mengumpulkan amalan yang baik-baik.

Untuk kali ini kita akan sedikit membahas mengenai materi pembelajaran yang berkaitan dengan teks deskripsi tentang rumah adat Jawa. Semoga bisa bermanfaat untuk teman-teman semua di manapun berada.

Indonesia terkenal dengan kekayaan dan keberagamannya. Berbagai macam suku bangsa, bahasa, budaya, pakaian adat, rumah adat, dan lain sebagainya dimiliki oleh negeri kita tercinta ini. Nah, pada kesempatan kali ini kita akan mengerucut ke rumah adat khususnya di Jawa Tengah. Materi yang kita sampaikan menggunakan bahasa Jawa, insyaallah dapat bermanfaat untuk teman-teman guru bahasa Jawa untuk dijadikan materi pembelajaran siswa.

Oke, langsung saja silahkan teman-teman sekalian bisa menyimak sedikit pembahasan mengenai rumah adat Jawa Tengah berikut. Selamat membaca dan selamat berimajinasi. Salam Dunia Kita.

 MATERI TEKS DESKRIPTIF TENTANG RUMAH ADAT JAWA

Oleh: Evi Wijayanti

Saben dhaerah ing Indonesia nggadhai wangunan arupi griya ingkang dados simbol utawi ciri khas dhaerah kasebut ingkang dipunwastani griya adat. Wonten ing Jawa Tengah ugi nggadhai griya adat inggih menika Joglo. Griya adat Joglo nggadhahi 9 jenis inggih menika Joglo Limasan Lawakan, Joglo Sinom, Joglo Jompongan, Joglo Pangrawit, Joglo Mangkurat, Joglo Hageng, Joglo Semar Tinandhu, Joglo Kudus, Joglo Jepara, lan Joglo Pati.

Griya Joglo inggih menika jenis griya adat suku Jawi ingkang dipunginakaken minangka pralambang utawi pananda status sosial priyayi utawi bangsawan Jawi. Griya menika nggadhahi ciri khas piyambak inggih menika nggadhahi 4 pilar saka guru. Sekawan pilar menika pralambang arah mata angin. Pranata utami jroning griya Joglo kapareng dados sekawan perangan. Ngajeng piyambak sinebut pendhapa, pringgitan, dalem ageng, wonten malih tigang senthong sinebut senthong tengah, senthong kiwa lan senthong tengen, lan pungkasan wonten gandhok lan pawon.

1.      Pendhapa

Sajroning griya ngajeng ingkang tinarbuka, sinebut pendhapa. Miturut piwulang filosofi lan spiritual kejawen, kajaba minangka papan panggulawentah kabagian kulawarga lan karukunaning bebrayan agung, pendapa ugi minangka papan ngrembag lan mbangun religiusitas, tinemu ompak watu cacah 16 mapan satengah-tengahing jogan, mubeng sapinggiring wewangunan. Patang ompak kagem nyangga cagak sekawan ing tengahing wewangunan, ingkang sinebut saka guru sejatosipun minangka pralambang kekuwatan spiritual positip saking keblat papat (penjuru mata angin). Tumpangsari utawi trap-trapan kayu blandar tinumpuk ingkang mapan sakinggilipun pendhapa, mujudaken trap-traping manungsa tumuju pucuking spiritual religious.

2.      Pringgitan

Miturut sorosilahing tembung ing Basa Jawi, ‘pringgitan’ menika saking tembung ‘ringgit’ amargi pikantuk sufik pa – an dados tembung ‘paringgitan’, saksampunipun ngalami owah-owahan dadosipun ‘pringgitan’. Tembung ‘ringgit’ menika basa kramanipun ‘wayang’, nuwuhaken tembung ‘wayangan’ [nanggap wayang] lajeng dipunkramainggilaken dados ‘ringgitan’. Wayang kulit kajawi kaangep seni budaya ingkang adiluhung sanget ugi minangka tontonan lan tuntunan kautamaning gesang ing alam kalanggengan.

3.      Dalem Agung

Dalem Agung ingkang minangka sumbering panggonan ing griya Joglo, mupangat utaminipun kagem kumpuling kulawarga. Kajaba minangka panggonan ingkang sinengker, swasananipun ugi tentrem lan kebak kawibawan. Manungsa, griya lan sakehing gagasan ingkang mengku balegriya satemene mujudaken triatunggal kang ora bisa kapantha-pantha antarane siji lan sijine.

4.      Krobongan utawi Senthong

Senthong dipun perang dados 3, inggih menika sentong kiwa, senthong tengah lan Senthong tengen. Senthong Kiwa dipunginakaken kangge nyimpen bakal-bakal kebutuhan baku kaluwarga, kados pari, palawija lan nyimpen maneka wujud pusaka nyimpen maneka wujud pusaka. Senthong tengah fungsinipun kangge papan ibadah. Ruwangan menika nggadahi teges nuduhaken menawi manungsa menika tansah eling dateng gusti ingkang paring kanugrahan. Lan senthong tengen dipunginakaken kangge sare.

5.      Gandhok utawi pawon

Dipunginaaken kangge masak, dhahar lan siram. Ruwangan menika asipat pribadhi lan nggadahi nilai luhur. Panggenanipun pawon wonten wingking piyambak supados tiyang sanes boten mangertos ingkang gadhah griya reresik dhiri lan dhahar. Pawon nggadhahi teges nuduhaken menawi manugsa menika nggadhahi sipat gemi, setiti lan ngati-ati tegesipun boten boros lan tansah njagi kapribadenipun kang siningit.

***

Demikian sedikit pembahasan materi berkaitan dengan rumah adat Jawa Tengah dengan bahasa Jawa. Semoga bermanfaat untuk teman-teman semua. Apabila ada masukan, kritik, maupun saran silahkan teman-teman bisa menghubungi kami melalui kontak kami yang tersedia. Kemudian apabila teman-teman ingin request mengenai materi-materi lainnya juga silahkan dapat menghubungi kami. 

Terimakasih sudah berkunjung di blog kami, salam Dunia Kita.

Wassalamu'alaikum wr. wb