SOAL PACELATHON BASA JAWA KELAS 8 SEMESTER 2

SOAL PACELATHON BASA JAWA

Oleh: Evi Wijayanti, S.Pd

Kompetensi Dasar       : Menelaah dan Menangkap isi pacelathon

Kelas                           : VIII/ Semester 2

Indikator                     :

1.      - Mengajukan dan menjawab pertanyaan wacana pacelathon.

2.      - Mampu menyimpulkan  isi wacana pacelathon.

G   GOLEK GAWEYAN

Cuk: Kulanuwun....

Pak Slamet: Sapa?

Cuk: Kula...

Pak Slamet: Kula sapa?

Cuk: Kulanuwun...

Pak Slamet: Maksute jenenge sampean iku sapa?

Cuk: Kula Cuk...

Pak Slamet: We lha dalah... bocah iki kenthir tenan. Ditakoni jenenge kok malah misuh!

Cuk: Sinten sing misuh? Jenenge kula niku pancen Cuk... Cukijan bin Cukirman. Lha njenengan sinten?

Pak Slamet: Oalah... tak kira misuh. Aku Pak Slamet. ana perlu apa?

Cuk: Badhe nglamar

Pak Slamet: Nglamar aku?

Cuk: Nggih mboten to, pak... Lha lah napa kula nglamar sampeyan niku?

Pak Slamet: Sapa ngerti kowe arep nglamar padha lanange

Cuk: Wah... panjenengan niki jian pinter nek ngenyek. Elek elek ngaten niki kula sek normal, pak...

Pak Slamet: Wahaha... kon iki elek kok bangga

Cuk: Masio elek tapi kulo niki kathah randha sing madosi lho pak...

Pak Slamet: Walah!! Modelmu... randha tukang nagih utang to?

Cuk: Bapak niku ngertos mawon hahaha...

Pak Slamet: Wis, aja cengengesan. Kon mrene iku arep nglamar sapa?

Cuk: Nglamar gawean, pak...

Pak Slamet: Kon salah alamat. Nok kene ora ana arek wedok sing jenenge Gawean. Anane Mbah Gowang, umure wis 70 tahun. Gelem ngrabi tah?

Cuk: Maksud kula nglamar kerjaan, pak... Mboten nglamar embah embah...

Pak Slamet: Oo... gak ngomong kaet mau

Cuk: Lha kula sampun matur sampeyan malah ngajak guyon

Pak Slamet: Mending diajak guyon to timbang diajak gelut?

Cuk: Panjenengan saget mawon... Pripun pak?

Pak Slamet: Pripun yo’ apa maksudmu?

Cuk: Wonten lowongan mboten?

Pak Slamet: Awakmu iki sakjane golek lowongan apa kerjaan?

Cuk: Kan sami mawon ta, Pak?

Pak Slamet: Beda... nek kerjaan iku nggone wong kerja. Nek lowongan iku panggonan sing lowong. Contone sumur, lawang... Termasuk lambemu barang iku jenenge lowongan

Cuk: Sak karepe sampean mpun... sing waras ngalah

Pak Slamet: iYa mesti sing waras kudu ngalah... nek wong lara kongkon ngalah, dipan rumah sakit kae kebek wong waras. Sing lara malah turu nok ngisor

Cuk: Nggih mpun kula nurut. Sak niki wonten kerjaan mboten?

Pak Slamet: Akeh. Nok njero kantor kae panggonane wong kerja thok. Sak karepmu milih kerja sing endi? Sing bagean nduwuran apa sing ngisoran?

Cuk: Nek sing nduwuran niku bagean napa, pak?

Pak Slamet: Bagian nyekeli penangkal petir. Dadi awakmu nangkring nok nduwur kono pas wayah udan. Nek ana bledek, ndang sauten trus jupukana.

Cuk: Weh... lak modar aku!!

Pak Slamet: Lha jarene njaluk kerja bagian nduwur...

Cuk: Mboten siyos nek ngoten. Dereng sempet gajian kok wis matek disik

Pak Slamet: apa kerja sing bagian ngisor wae?

Cuk: Bagean napa niku? Nduduk lemah damel ngubur sampean ngoten tah?

Pak Slamet: Wahaha... Kowe iku sembarangan ae. Bojoku isek ayu kinyis kinyis mosok arep tak tinggal matek, Cuk!!

Cuk: Mboten usah kuatir, pak... Nek sampeyan mati kula siap nampani randhane kok

Pak Slamet: Ngomong karo wong tuwek sak penake dhewe wae. Durung pernah dibalang watu wong buntung yo?

Cuk:  Lha kerja ngisoran niku teng pundi?

Pak Slamet: Sek tak takoni disik. Sak durunge kowe duwe pengalaman kerja apa?

Cuk: Tukang becak

Pak Slamet: wahhh. . kene nampane lulusan sarjana niku, ora level lulusan tukang becak.

Cuk : woalaahh, Pak Pak ora gelem ngomong kaet mau.

3 wulan sawise, Pak Cak lan Cuk ketemu ing dalan. .

Cuk : Pak….lho sampeyan Pak Cak to?

Pak Slamet :  iyaa, lha kowe ngapa ing kene? Kok gawa tas jinjing mbarang?

 

Cuk : ya wong kerjaanku ngene ki Pak.

Pak Slamet : tak tebake, mesthi kerjamu dadi babune direktur ta?

Cuk : boten Pak salahh, ayoo ditebak malih. . .

Pak Slamet : sek. . sek . . sek .. mesthi kerjamu sales obat pinggir dalan ta?

Cuk : emmm, dipikir piyambak mawon.

Pak Slamet : woalaah, ditakoni kok malah lunga, paling kerjamu sales.

Cuk : kula…. Direktur Perusahaan wonten ngajeng kantoripun Bapak.

Pak Slamet : -_-“

 

Gladhen soal

A. Wangsulana pitakenan-pitakenan menika kanthi pratitis!

1.      Sinten kemawon paraga wonten ing pacelathonkalawau?

Pitakenan nomor kalih ….

2.      Kenging menapa Cuk pepanggihan kaliyan Pak Slamet?

Pitakenan nomor tiga …

3.      Kados pundi (tanggapan) Pak Slamet marang Cuk?

Pitakenan nomor sekawan ….

4.      Kapan Cuk kapanggih malih kaliyan Pak Slamet?

5.      Sinten kemawon paraga wonten ing pacelathonkalawau?

6.      Kenging menapa Cuk pepanggihan kaliyan Pak Slamet?

7.      Kados pundi (tanggapan) Pak Slamet marang Cuk?

8.      Kapan Cuk kapanggih malih kaliyan Pak Slamet?

 B. para siswa  kedah nyerat dudutan saking pacelathon kanthi ngginakaken basa ingkang trep. Sumangga!

 

Matur nuwun.