RESENSI NOVEL RATU MAHADANTA

 

RESENSI NOVEL RATU MAHADANTA

 

IDENTITAS BUKU

a.      Judul buku : Ratu Mahadanta

b.      Pengarang : Ahmad Syukur

c.       Penerbit : Panji Pustaka, Yogyakarta

d.      Tahun terbit : 2009

e.       Tebal buku : 246 halaman

f.       No. Seri ISBN : 979-1606-617

g.      Dimensi ukuran : 14 x 21 cm

h.      Jenis kertas : A4 buram

 

ISI

a.      Sinopsis

Ratu Mahadanta yaiku ratuning para kethek ing wit waringin ana alas Bahuwreksa, wit waringin kuwi dipanggoni kethek cacahe telung atusan. Ratu Mahadanta dipilih  dadi ratu jalaran gedhe, raos lan uga pinter, Mahadanta kuwi sawijining kethek kang wis putus ing sawarnaning sastra. Saking pintere lan saking sastrane Mahadanta ora mung pinter ngrembug ruwet rentenging praja nanging menawa sesorah uga pinter, swarane kaya gludhug.

Ana ing novel kuwi  nyariyosake panguripan sosial politik ana ing kerjaan. Ing cariyos Mahadanta nduweni juru-juru (ibarat ana ing pamerentahan kaya mentri) kang ngewangi Mahadanta ngurusi panguripane para kethek, para juru kuwi cacahe ana papat yaiku Juru Boga, juru iki tugase manggedheni utawa ngetuwani kethek kang kewajibane nggolek pangan kanggo para kethek.

Banjur ana Juru Baya kang nduweni tugas njaga keslametan para kethek upamane manungsa kena dipadhakake karo pnggedhe pulisi lan prajurit. Nalika ana kethek sing kerah pada kethek, juru baya sing misah lan mutusi prakarane, yen ana mungsuh teka Juru Baya ln prajurite sing nanggulangi.

Banjur Juru Usada pegawene njaga kuwarsaning para kethek sing lara, supaya ora kerep olehe kena lelara.

Banjur Juru Susila kang pegaweane manggedheni para kethek sing diwajibake mulang muruk ing bab kapinteran lan kasusilaan. Sakabehing kethek kang umure wis genep nem sasi kudu wiwit sinau bab kasusilaan utawa tata karma. Kejaba bab kasusilaan, juru susila kuwi uga ngurus sawarnaning wulangan bab kapinteran, kalantipan bab etung, lumpatan penekan, milih wowohan lan gegodhongan kang kena dipangan lan sapanunggalane.

Kacariyos Juru Susila kang lagi mlaku-mlaku ngoleki ilham metu saka tepis iringan wanarapraja banjur dheweke kepethuk macan gembong kang lagi nggoleki pangan, Juru Susila banjur digondhol digawa mulih. Bareng wis sawetara suwe Juru Susila ora katon mulih, Mahadanta ngutus badan penyelidik kanggo nitipirsa ilange Juru Susila, ora let suwe badan penyelidik  mulih laporan yen ing weruh tetesan getih kang wis garing ana uga bodholaning wulu Juru Susila ing tepis iringan wanarapraja, banjur Mahadanta wara-wara marang sakabehing kethek menawa juru susila tiwas.

Banjur ana kethek tuwa kang ora pyi mudeng bab kasusilan, kapinterne uga ora pati pinter,apa meneh penekan uga wis ora trampil, kepengin bnget dadi juru susila. Bojone kang ngongkon anantaswara supaya dadi juru susila, banjur anantaswara lan bojone tirakat ana ing wit waringin kang sepi.

Bareng wis rampung olehe tirakat, anantaswara karo bojone wiwit sesorah supaya dirungokake, anggone sesorah uga wayah sore, wayahe para kethek padha nglumpuk arep padha turu. Para kethek banjur padha kebrebegen, Mahadanta kang manghone ing puncit wit waringin uga nganti ora bisa turu.

Amarga padha kebrengengen para kethek banjur nekani Mahadanta njaluk supaya Anantaswara didangkat dadi juru susila, banjur diangkata Anantaswara dadi juru susila, sakwise diangkat dadi juru susila Anantaswara anggone merentah amung nggedheake jabatne, ana sebutan kanggo bojone juru dadi Paduka Nyonyah Ingkang Maha Minulya, banjur ana ing pamerentahane juru susila panggedhe kang biasane ngurusi langsung, yen menawa Anantaswara ora gelem mudun alessane amarga dheweke wis tuwa. Banjur ana gawe perobahan ngedekake pawiyatan luhur barang. Bagene werna-werna ana bagean kawruh usad, bagean kawruh tanem tuwuh, bagean ulah raga lan sapanunggalane.

 

b.      Keunggulan buku

Buku iki nduweni kaunggulan yaiku buku siji nduweni limang werna judul novel, limang judul iku yaiku Serat Riyanta, Jago Kluruk, Jaman Kawuri, Ratu Mahadanta kang diserat resensi lan Rembulan Ndadari. Ana ing cariyos Ratu Mahadanta iki ngangkat cariyos kanthi tema social politik kang ana ing panguripane para kethek, cariyos iki trep kanggo nyindir pamerentahan kang saiki jabatane lagi kanggo rebutan dening wong-wong politik.

 

 

c.       Kelemahan buku

Buku iki nggunaake kertas buram dadi menawa diwaca ora pati jelas.

 

 

d.      Manfaat Buku

Manfaat saka buku iki salah sijine yaiku kanggo pangibur kang maca, uga akeh pesen moral kang ana ing cariyos. Buku iki uga nduweni limang judul novel kang dijilid dadi sebuku.

 

 

e.       Unsur intrinsik novel

 

·         Tema

Panguripan sosial politik bangsa kethek.

 

 

·         Tokoh lan Penokohan

Mahadanta    : yaiku tokoh kang perane dadi retuning para                                kethek, nduweni sipat wicaksana, peduli karo                                      rakyate.

Juru Boga      : yaiku tokoh kang perane dadi panggedhene kethek                   kang nggoleki pakan, nduweni sipat memelas karo                       kethek cilik.

Juru Baya      : yaiku tokoh kang perane dadi panggedhene kethek                   prajurit, nduweni sipat, kewanen, gelem ngorbnake                awake kanggo ngmanake wilayah.

Juru Usada    : yaiku tokoh kang perane njaga kuwarasaning para                   kethek.

Juru Susila     : yaiku tokoh kang perane manggedheni para kethek                  kang diwajibake mulang muruk ing bab kasusilaan              lan kapinteran, nduweni sipat pasrahan.

Anantaswara : yaiku kethek kang ora pati pinter nanging                                   rumangsa wis pinter banjur pengin dadi juru susila.

Tamomaji       : yaiku bojone Anantaswara, gelem tirakat kanggo                         bojone.

 

·         Seting

Latar  seting cerita iki wit waringin ing tengah alas Bahureksa.

 

·         Alur

Cariyos iki nduweni alur maju.

 

·         Amanat

Ana ing pungkasan cariyos ana amanat kang munine mangkene tetembungan sing unine dhuwur kukuse lan dawa pocapane disalin dadi dhuwur kethune, dawa jubahe