SIMBAH LALI

SIMBAH LALI

Dening : Evi Wijayanti

Thimak-thimik anggone lumaku

Wis ringkih olehe tumindhak

Klemat-klemot anggone ngunyah

Amarga wis ompong untune

Eseme kang nrenyuhake

Marang sapa wae sing nyawang

Simbah, yuswamu wis 90 taun

Nanging, malih kaya umur 8 taun

Njaluk dulang, tuntun, lan diadusi

Eh, Simbah ya lali marang anak lan putune

Sing diiling mung perang lan perang

Simbah. . Simbah. ,

Wis ngrasakake pait lan getire donya iki

Wiwit jaman penjajahan nganti revolusi

Aku putumu mung bisa nindakake pamelingmu, mbah

Yen manungsa kuwi kudu migunani marang sapa wae